Suriya armiyasi Deyr-az-Zorda IShIDga zarbalar berdi, 14 jangari yo‘q qilindi

Suriyalik harbiylar mamlakat sharqidagi Deyr-az-Zor shahrida IShID terrorchilariga, janubda esa “Jibhot an-Nusra” jangarilariga zarbalar berdi, deb yozadi “RIA Novosti” Suriya telekanallaridan biriga tayanib.

Harbiy manbaga ko‘ra, Deyr-az-Zor provinsiyasidagi aerodrom yaqinida va 137-polk bazasi hududida, shuningdek, Deyr-az-Zor shahrida armiya bo‘linmalari IShID nuqtalariga zarbalar berdi. 14 terrorchi va ularning harbiy texnikasi yo‘q qilindi.

Bundan tashqari, mamlakat janubidagi Deraa shahrida armiya bo‘linmalari “Jibhot an-Nusra” terrorchilari nuqtalarini yer bilan yakson qildi. Deraa provinsiyasining Al-Gari Al-Garbiya tumanida sakkiz kishilik “Jibhot an-Nusra” terrorchilar guruhi to‘liq yo‘q qilindi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.