OChL. “Sepaxon” — “An-Nassr” uchrashuvi Toshkentda bo‘lib o‘tadi

Futbol bo‘yicha Osiyo Chempionlar Ligasi 3-turidan o‘rin olgan Eronning “Sepaxon” va Saudiya Arabistonining “An-Nassr” jamoalari o‘rtasidagi bahs Toshkentda o‘tkaziladi.

Uchrashuv 3-mart kuni “Lokomotiv” stadionida bo‘lib o‘tadi. Bu haqda Osiyo futbol konfederatsiyasiga tayanib Alisher Nikimbayev xabar berdi.

Ma’lumot uchun Eron va Saudiya Arabistoni jamoalari 2016-yilning yanvarida yuzaga kelgan siyosiy mojaro sabab besh yildan buyon o‘zaro o‘yinlarni neytral maydonda o‘tkazishga majbur bo‘lmoqda.

Mazkur mamlakatlar klublari o‘rtasidagi qarama-qarshilik O‘zbekistonda ilk bor o‘tkaziladi. Bunga qadar jamoalar faqat arab mamlakatlarida o‘yin o‘tkazgan.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!