Sony kompaniyasi 5G’ni qo‘llab-quvvatlovchi Xperia 1 II flagmanini taqdim etdi

Sony’ning 5G’ni qo‘llab-quvvatlaydigan Xperia 1 II smartfoni 2020-yil bahori oxirlarida Yevropada sotuvga chiqariladi. Bu haqda kompaniya saytida ma’lumot berilgan.

Android operatsion tizimida ishlaydigan, Qualcomm Snapdragon 865 5G protsessori va Snapdragon X55 5G chipi o‘rnatilgan qurilma binafsharang va qora ranglarda chiqariladi.

Xperia 1 II smartfonida soniyasiga ketma-ket 20 ta kadr olish funksiyasi bo‘lib, qurilmaga Zeiss optikali uchtalik kamera o‘rnatilgan.

Sony’ning ta’kidlashicha, ekspozitsiya holatida kamera soniyasiga 60 martagacha uzluksiz avtofokusirovka qiladi.