Eronda parlamentning besh nafar deputati koronavirus infeksiyasini yuqtirib oldi. Bir deputat koronavirusdan vafot etdi
Eron parlamentining 100 nafar a’zosi COVID-19 aniqlash uchun test topshirishgan, ularning 5 nafarida tahlil natijalar ijobiy chiqqan. Bu haqda Eron Qonunchilik prezidiumi raisi Asadullo Abbosiy ma’lum qildi. OAV tomonidan parlament deputatlaridan biri — Muhammad Ali Ramazoniy Dastak koronavirusdan vafot etgani haqida xabarlar tarqagan.
So‘nggi ma’lumotga ko‘ra, Eronda 593 kishi koronavirusni yuqtirib olgan, 43 kishi vafot etgan.
Mavzuga doir: Eron AQShning koronavirusga qarshi kurashish yo‘lidagi yordamini tanqid qildi
Ma’lumot uchun, Eron hukumat vakillari orasida koronavirus epidemiyasi sog‘liqni saqlash vaziri o‘rinbosari Iraj Xarirchidan boshlangan edi. Shundan so‘ng Eron vitse-prezidenti Ma’suma Ebtekarda ham koronavirusga chalingani xabar qilindi.
Avvalroq, Eronning Vatikan va Eron davlatlaridagi sobiq elchisi Xadi Xisravshohiy koronvairus bilan kasallanib vafot qilgani haqida xabar berilgandi.
Manba: Daryo.uz