Jizzax viloyatida Nexia haydovchisi velosipedchini urib yubordi. Jabrlanuvchi voqea joyida vafot etdi

Jizzax viloyatida haydovchi yo‘l belgilari va yo‘l chiziqlariga amal qilmasligi oqibatida velosipedda harakatlanayotgan fuqaroni urib yubordi.

YHXBB matbuot xizmati xabariga ko‘ra, voqea 8-mart kuni soat 23:30 larda Jizzax viloyati Sharof Rashidov tumani hududidan o‘tgan 4R35 avtomobil yo‘li, Gagarin—Jizzax yo‘nalishining 11-kilometrida sodir bo‘lgan.

Haydovchi S.X. Nexia’sini boshqarayotib, yo‘l belgilari va yo‘l chiziqlariga amal qilmasligi oqibatida yo‘lning o‘ng tomonida velosipedda harakatlanayotgan fuqaro K.J.ni urib yuborgan

Oqibatda fuqaro K.J. tan jarohati olib voqea joyida vafot etgan.

Mavzuga doir: O‘zbekistonda ikki oy ichida sodir bo‘lgan YTHlarda 265 kishi halok bo‘ldi