Koronavirus infeksiyasi aniqlangan 145-bemor Qashqadaryo viloyati yuqumli kasalliklar shifoxonasiga joylashtirilgan

Koronavirus infeksiyasini yuqtirib olgan 145-bemor ikkinchi vafot etgan erkakning 14 yoshli jiyani. Bu haqda Sog‘liqni saqlash vazirligi axborot xizmati rahbari Furqat Sanayev xabar berdi.

Ma’lum qilinishicha, bemor Qarshi shahrida joylashgan Qashqadaryo viloyat yuqumli kasalliklar shifoxonasida davolanmoqda. Bemorning holati o‘rta og‘ir darajada. Shuningdek, bemorning yaqinlari va boshqa fuqarolar salomatligi ham qat’iy nazoratga olingan.

Mavzuga doir: Toshkentda karantinga qaramay kuyov-navkar o‘tkazgan kelinning otasiga jinoiy ish qo‘zg‘atildi

Avvalroq O‘zbekistonda koronavirus infeksiyasi bilan kasallanganlar soni 145 nafarga yetgani haqida xabar berilgandi.