“Chelsi” Kanteni sotishga tayyor. Unga “Real”dan qiziqish bor

“Chelsi” yarim himoyachisi Ngolo Kante yozgi transfer oynasida londonliklar safini tark etishi mumkin.

“Chelsi” rahbariyati 29 yoshli futbolchi transferi borasidagi takliflarni ko‘rib chiqishga tayyor, deya xabar qilmoqda 90min.

Kantega Madridning “Real” va PSJ jamoalaridan qiziqish bor. Fransiyalik futbolchining transferi 80 million yevroga baholanmoqda.

Ngolo 2016-yildan buyon “ko‘klar” safida to‘p suradi. London shahri klubi Kanteni 35,8 million yevro evaziga “Lester”dan sotib olgandi. Uning klub bilan amaldagi shartnomasi 2023-yilning yoziga qadar mo‘ljallangan.

Joriy mavsum Kante jamoasining 22 o‘yinida maydonga tushib, uchta golga muallif bo‘ldi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!