Fransiya chempionatida mavsum ramziy terma jamoasi aniqlandi

Fransiyaning L’Equipe nashri futbol bo‘yicha Liga 1 musobaqasining joriy mavsumi ramziy terma jamoasini tuzib chiqdi.

Tarkibdan 4 nafar PSJ futbolchisi o‘rin olgan bo‘lsa, yana uch nafar “Reyms”, ikki nafar “Lill” futbolchisi asosiy tarkibga kiritilgan. Shuningdek, “Monako” va “Strasburg” jamoalaridan bir nafardan vakil bor.

Bosh murabbiy sifatida PSJ ustozi Tomas Tuxel tanlangan.

Darvozabon: Predrag Raykovich (“Reyms”);

Himoyachilar: Muhammad Simakan (“Strasbur”), Gabriel (“Lill”), Yunus Abdulhamid, Hassan Kamara (ikkisi— “Reyms”);

Yarim himoyachilar: Renatu Sanshesh (“Lill”), Marko Verratti, Anxel di Mariya (ikkisi — PSJ);

Hujumchilar: Neymar, Kilian Mbappe (ikkisi PSJ), Vissam Ben-Yedder (“Monako”).

Zaxira o‘rindig‘idan darvozabon Stiv Mandanda (“Marsel”), himoyachilar Aleksander Jiku (“Strasbur”), Fetu Mauassa (“Renn”), yarim himoyachilar Teji Savanye (“Monpelye”), Dimitri Payet (“Marsel”), hujumchilar Viktor Osimhen (“Lill”) va Andi Delor (“Monpelye”) o‘rin oldi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!