Butun dunyodagi Reddit foydalanuvchilari bir o‘ram hojatxona qog‘ozini bir-biriga “uzatdi” (video)

Reddit foydalanuvchilaridan biri platforma ishtirokchilarining vaqtini chog‘ o‘tkazish uchun noodatiy aksiya o‘ylab topdi, deb xabar berdi Hi-Tech.Mail.ru.

Foydalanuvchi ularga bir o‘ram hojatxona qog‘ozini uydan turib, bir-biriga “uzatish”ni va jarayonni videoga olishni taklif qildi. Natijada ajoyib videorolik suratga olindi.

Videoda Reddit foydalanuvchilari turli vaziyatlarda hojatxona qog‘ozini bir-biriga “oshiradi”, keyingi ishtirokchi esa uni qabul qilib oladi. Agar hojatxona qog‘ozini muzlatkichga solib qo‘yishsa, keyingi ishtirokchi muzlatkichdan uni oladi va estafetani davom ettiradi.

Aksiyada dunyoning turli shaharlarida yashovchi Reddit’chilar ishtirok etgan. Video internetga joylangan bir necha soat ichida juda ko‘p marotaba tomosha qilingan va tomoshabinlar tomonidan ijobiy baholangan.

Mavzuga doir: