Avstraliyada 46 metrlik dengizosti yirtqichi aniqlandi. U dunyodagi eng uzun jonivor bo‘lishi mumkin

Shmidt okeanologiya instituti tadqiqotchilari Avstraliyaning g‘arbiy qirg‘og‘idagi chuqur kan’onlardan birida 46 metrlik sifonoforni aniqladi.

Taxmin qilinishicha, bu shu paytgacha qayd etilgan eng uzun hayvon bo‘lishi mumkin.

Sifonoforlar — zaharli chuqur suvosti yirtqichlari bo‘lib, ular ko‘p sonli koloniyalar hosil qiladi.

Olimlar tomonidan qayd etilgan sifonoforlarning uzunligi aksariyat ko‘k kitlarning uzunligidan qariyb ikki baravar uzun.

Tadqiqotchilarning taxmin qilishicha, jonivorning yoshi bir necha o‘n yillik yoki yuz yillikka borib taqalishi mumkin.

Mavzuga doir: Foto: G‘avvos 2,5 metrli akulani trans holatiga tushirib, uning hayotini saqlab qoldi