Qozog‘istonda yana 114 kishi koronavirusga chalindi

Qozog‘istonda koronavirusga chalinganlar soni 3 785 nafarga yetdi, deb xabar bermoqda Tengrinews.

Qayd etilishicha, kasalikka chalinish bo‘yicha yana 114 ta holat aniqlangan. Olmaota 64,  Nur-Sulton 10, Chimkent shahrida 2 kishi; Aqto‘be 25, Mang‘istau 5, Jambil 3, Qizilo‘rda viloyatida 1 kishida virus borligi tasdiqlangan.

Bir kun avval 47 kishi koronavirusga chalingani xabar berilgan edi. Mamlakatda COVID-19 koronavirus infeksiyasi tarqalishi boshlanganidan buyon 25 kishi virus qurboniga aylangan, 922 nafar bemor sog‘aygan.

O‘zbekistonda esa koronavirusga chalinganlar soni 2-may soat 10:00 holatiga ko‘ra 2094 nafarga yetdi.

Mavzuga doir: Nur-Sulton aeroporti aviaqatnovlar qayta tiklanishiga qanday tayyorgarlik ko‘rmoqda? (foto)