Yer uzra “asr kometasi” uchib o‘tmoqda

Yer sayyorasi uzra astronomlar “asr kometasi” deb ataydigan ulkan kometa uchib o‘tmoqda. Bu haqda astronom Kon Stoitsis o‘zining Twitter’dagi sahifasi orqali ma’lum qildi.

Yaqinda ochilgan SWAN (C/2020 F8) kometasini osmonda hech qanday qurilmalarsiz, oddiy ko‘z bilan ham ko‘rish mumkin.

Hello C/2020 F8 Swan may 19 UT 1.15 GIF 7x70sec red
11"/2.2 RASA QHY 600 Michael J?ger pic.twitter.com/t7N5Bc1r0S

— Michael J?ger (@Komet123Jager) May 19, 2020

Ta’kidlanishicha, kosmik jism 2020-yilning 27-may sanasida o‘zining maksimal yorug‘ligiga yetadi (+3 yulduz o‘lchovi). O‘sha vaqtda SWAN Quyoshga 64,4 million kilometr masofaga qadar yaqinlashadi.

Hozirgi vaqtda kometa Janubiy yarim shardan yaxshi ko‘rinmoqda.

Yaqinda uni Shimoliy yarim sharda joylashgan davlatlardan turib ham kuzatish mumkin bo‘ladi. 20—21-may kunlari kometa Persey yulduzlar turkumidagi Algol yulduziga, 22-may kuni esa Delta Persey va Mirfakka yaqinlashadi.