O‘zbekistonda koronavirusga chalinish holatlari 28 taga oshdi. Kasallanganlarning umumiy soni 3843 nafarga yetdi
O‘zbekistonda koronavirus infeksiyasi qayd etilganlar soni 3-iyun soat 23:00 holatiga ko‘ra 28 taga oshdi. Kasallanganlarning umumiy soni 3843 nafarni tashkil etmoqda, deb xabar beradi Sog‘liqni saqlash vazirligi matbuot xizmati.
Yangi kasallanish holatlarining 15 nafari Navoiy viloyatida, 2 nafari Toshkent shahrida, 1 nafar Samarqand viloyatida koronavirusga chalinganlar bilan muloqotda bo‘lib karantinga olingan fuqarolar orasida, 10 nafari esa Karantin markazidagi (shundan 9 nafari Moskvadan charter reys bilan kelgan, 1 nafari esa koronavirusga chalingan bemor bilan muloqotda bo‘lgan) fuqarolar orasida aniqlangan.
Eslatib o‘tamiz, 3-iyun kuni soat 17:00 holatiga ko‘ra, koronavirusga chalinganlar soni 46 nafarga ko‘payib, 3815 nafarga yetgani xabar qilingandi. 3-iyun kuni Toshkentda 72 yoshli erkak vafot etdi va O‘zbekistonda koronavirusdan vafot etgan bemorlar soni 16 nafarga yetdi.
Manba: Daryo.uz
Добавить комментарий!
- отсутствуют