Eronda YTH oqibatida 10 dan ortiq odam halok bo‘ldi

Eronda reys avtobusi ishtirokida ro‘y bergan YTH oqibatida 11 kishi halok bo‘ldi. Bu haqda, IRNA agentligiga asoslanib, “Vestnik Kavkaza” xabar bermoqda.

30 nafar yo‘lovchini Mashhaddan Isfaxonga olib ketayotgan avtobus yuk mashinasi bilan to‘qnashib ketdi. Avtobus oldida ketayotgan yuk mashinasi kutilmagan manyovrni amalga oshirgani tufayli mashinalar to‘qnashib ketdi, avtobus ag‘darilib ketdi.

Sabzavor shahri favqulodda vaziyatlar markazi rahbari o‘rinbosari Xodi Abbos Abadiy bergan ma’lumotga ko‘ra, yetti kishi voqea joyida halok bo‘ldi, yana to‘rt kishi shifoxonada hayotdan ko‘z yumdi.