Aleksandar Vuchich Serbiyadagi prezidentlik saylovlarida g‘alaba qozongani rasman tasdiqlandi

Serbiyaning amaldagi bosh vaziri Aleksandar Vuchich mamlakatda 2-aprel kuni bo‘lib o‘tgan prezidentlik saylovlarida 55,08 foiz natija bilan g‘olib chiqdi. Respublika saylov komissiyasi yig‘ilishida tasdiqlangan yakuniy raqamlar shundan iborat bo‘ldi, deya xabar beradi “TASS”.

Shu tariqa Aleksandar Vuchich rasman Serbiyaning beshinchi prezidentiga aylandi.

Saylov komissiyasi ma’lumotlariga ko‘ra, sobiq ombudsmen Sasha Yankovich 16,36 foiz bilan ikkinchi, siyosatchi Luka Maksimovich esa 9,43 foiz natija bilan uchinchi o‘rinni egalladi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!