Yakka tartibdagi tadbirkor plastik kartasi uchun yangi erkinlik, 3700 so‘mlik “dovon”dan o‘tgan dollar, Qamchiq yo‘lidagi yoriq va kunning boshqa muhim xabarlari

24-aprelning e’tiborga molik yangiliklari — “Daryo”ning kechki dayjestida.

1. Yakka tartibdagi tadbirkorlar kartalaridan har qanday tovar va xizmatlar uchun to‘lash imkoniyati tug‘iladi. “Endilikda tomonlar, ya’ni sotuvchi va bank kartasi egasi o‘rtasida tegishli shartnoma tuzish shart emas”.

2. FVV “Qamchiq” dovonida uzunligi 40 metrga teng ko‘chki yorig‘i paydo bo‘lganligi haqida ogohlantirdi. Ko‘chki yorig‘i mavsumiy yog‘ingarchiliklar oqibatida yuz bergan.

3. O‘zbekistonda dollarning rasmiy kursi 3700 so‘mdan oshdi. Dollar kursi bir haftada 27,33 so‘mga oshdi.

4. Makron Le Penga qarshi. Fransiyada prezident saylovining birinchi turi bo‘lib o‘tdi. Asosiy ma’lumotlar.

5. Video: Isroilni harakatdan to‘xtatadigan ikki daqiqa — Xolokost qurbonlari xotirasi uchun motam sirenasi. Yevropa yahudiyligi fojiasi va qahramonligi kuni Isroil parlamenti tomonidan 1951-yilda belgilangan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!