Tojikistonda yuz bergan zilzila Farg‘ona vodiysida sezildi

Toshkent vaqti bilan 16-iyul kuni soat 13:45 da Tojikistonda zilzila sodir bo‘ldi. Bu haqda O‘zbekiston FVV Seysmoprognostik monitoring Respublika markazi xabar berdi.

Zilzila 39,23 daraja shimoliy kenglik va 71,73 daraja sharqiy uzunlikda yuz bergan. Yer silkinishi 10 kilometr chuqurlikda yuz bergan bo‘lib, zilzila markazida uning magnitudasi 4,2 ballni tashkil qilgan.

Zilzila epimarkazi Toshkent shahridan 311 kilometr janubi-sharqiy yo‘nalishda joylashgan.

Yer silkinishi Namangan, Andijon va Farg‘ona viloyatlarida sezilgan va uning kuchi mazkur hududlarda 2 ballni tashkil qilgan.

Mavzuga doir: Afg‘onistonda yuz bergan zilzila kuchi O‘zbekistonning qator viloyatlarida sezildi