Tramp Meksika bilan chegaradagi devor ahamiyatini tushuntirdi

AQSh prezidenti Meksika bilan chegara hududda devor qurilishini talab qilayotgan yana bir sababni ma’lum qildi, deb xabar beradi “Gazeta.ru”.

Donald Trampning so‘zlariga ko‘ra, devor mamlakatga narkotik moddalar kirishini to‘xtatishga xizmat qiladi.

“Devor — mamlakatimizga yoshlarni (va boshqa ko‘plarni) zaharlayotgan narkotik moddalarning kirib kelishiga qarshi kurashning muhim vositasidir”, — deb yozadi Tramp o‘zining Twitter’dagi sahifasida.

Eslatib o‘tamiz, avvalgi chiqishlarida prezident devor AQShga noqonuniy muhojirlar kirishini to‘xtatish uchun kerakligini qayd etar edi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!