“Bunyodkor” Sergey Lushchan bilan ilk bor OChL guruh bosqichida zafar quchdi
Sergey Lushchan murabbiylik qilayotgan Toshkentning “Bunyodkor” klubi Osiyo Chempionlar ligasining guruh bosqichida zafar quchdi. Bu holat uch yil deganda birinchi bor kuzatildi.
Musobaqani ketma-ket to‘rt mag‘lubiyat bilan boshlagan “qaldirg‘ochlar” muddatidan avval so‘nggi o‘rin bilan cheklanishga majbur bo‘lgandi. Yo‘qotadigan narsa qolinmaganidan keyin esa Toshkent grandi 5-turda Saudiya klubini mag‘lub eta oldi — 2:0.
Mazkur g‘alaba “Bunyodkor”ga hech qanday yordam bermadi va faqatgina Sergey Lushchanning qora an’anasiga chek qo‘ydi. Toshkentliklar so‘nggi bor 2014-yilning 23-aprel kuni “Al-Jaish” klubini mag‘lub etishga muvaffaq bo‘lgandi. Shundan so‘ng OChL guruh bosqichidagi ketma-ket 18 ta o‘yinda zafar qucha olmadi.
Mag‘lub tomon “Al-Ahli” esa so‘nggi tur oldidan qiyin vaziyatda qoldi.
Osiyo Chempionlar ligasi
“C” guruhi. 5-tur
24-aprel, dushanba
Gollar: Akrom Komilov, 8 (1:0). Eldor Shomurodov, 54 (2:0).
Gollar: Asprilya, 25 (0:1). Umar Abdulrahmon, 60 (0:2). Muhammad Abdulrahmon, 81 (0:3).