“Zenit” APL chempionini o‘z safiga qo‘shib oldi
“Liverpul” himoyachisi Deyan Lovren faoliyatini Rossiyaning “Zenit” klubida davom ettiradi. Bu haqda piterliklar rasmiy saytida ma’lum qilindi.
31 yoshli xorvatiyalik futbolchi “Zenit” bilan 3 yillik shartnoma imzolagan.
Avvalroq transfer 8,5—12 million yevro atrofidagi narxga baholangani, futbolchining maoshi esa yiliga 2,5 millionni tashkil etishi xabar qilingandi.
Lovren 2014-yildan buyon “Liverpul” safida o‘ynab kelardi. U mersisaydlar klubida 185 o‘yin o‘tkazib, 8 ta golga muallif bo‘ldi. 2018/19-yilgi mavsumda jamoa bilan Yevropa Chempionlar Ligasida g‘olib chiqdi, joriy mavsum esa Angliya chempioniga aylandi.
JCh—2018 finalchisi shuningdek, “Lion” va “Sauthempton” jamoalarida ham to‘p surgan.
“Liverpul” futbolchilari tomonidan 2018/19-yilgi mavsumda urilgan top-10 golni tomosha qiling (video)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Manba: Daryo.uz