San-Fransisko sudi Trampning muhojirlik bilan bog‘liq yana bir farmoniga taqiq qo‘ydi

San-Fransisko federal sudi AQSh prezidenti Donald Trampning noqonuniy muhojirlarni yashirib kelayotgan “boshpana-shaharlar”ni budjet orqali moliyalashtirishdan mahrum etish haqidagi farmoniga taqiq qo‘ydi. Bu haqda “Korrespondent.net” xabar bermoqda.

Sudya Uilyam Orrik prezident farmonini mamlakat konstitutsiyasiga zid deb topdi. 

Trampning farmoniga San-Fransisko va Santa-Klara okruglari munitsipalitetlari qarshi chiqdi. Ularga ko‘ra, AQSh prezidenti shahar va munitsipal tuzilmalar hududida qoidalar joriy etish huquqiga ega emas, muhojirlar bilan munosabat qoidalari esa mahalliy rasmiylar ixtiyorida. 

AQShda “boshpana-shaharlar” ilk bor o‘tgan asrning 70-yillarida paydo bo‘lgandi. Hozir mamlakatda mahalliy rasmiylari aholisining muhojirlik maqomi haqida federal hukumatga ma’lum qilishdan bosh tortayotgan 300 dan ortiq shunday shahar mavjud. “Daryo”ning Telegram’dagi rasmiy kanali — @toshqindaryo’ga a’zo bo‘ling!