Muxlislarsiz stadion va 12 ta o‘yinlik diskvalifikatsiya. Angliyada irqchilikka qarshi kurashga qaratilgan yangi qoidalar ishlab chiqildi

Angliya futbol assotsiatsiyasi (FA) 2020/21-yilgi mavsumdan irqchilik va boshqa kamsitishga oid holatlar bo‘yicha yangi qoidalar ishlab chiqdi.

O‘yin vaqtida muxlislar tomonidan turli xil kamsitishlar va nomaqbul hayqiriqlar yangraydigan bo‘lsa, jamoa jazoga tortiladi. Bunday qoida buzishlar stadioning ma’lum qismi tomoshabinlar uchun yopilishi yoki o‘yin muxlislarsiz o‘tishi bilan jazolanishi mumkin. Shuningdek, bir qator moliyaviy jarimalar ham ko‘zda tutilgan.

O‘yinchi va murabbiylar tomonidan yangraydigan kamsituvchi so‘zlar esa oltitadan 12 ta o‘yinga qadar diskvalifikatsiya bilan jazolanadi. Agar kamsitish yozma yoki aloqa vositalari orqali amalga oshirilgan bo‘lsa, u holda minimal diskvalifikatsiya 3 ta o‘yinni tashkil etadi.

Mavzuga doir:

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!