2020-yilga kelib Saudiya Arabistoni maktab va universitetlarda qog‘ozli nashrlardan voz kechadi

Yaqin bir necha yil ichida Saudiya Arabistoni maktab va universitetlarda qog‘ozli kitoblardan voz kechib, to‘laligicha elektron ta’lim tizimiga o‘tadi. Qirollikning bu boradagi rejalari haqida mamlakat maorif vazirligi ma’lum qildi, deb xabar beradi “TASS”.

Elektron ta’limga o‘tish bosqichma-bosqich o‘tkaziladi. Birinchi yil davomida bu 150 maktabda amalga kiritiladi. Tajriba muvaffaqiyatli yakunlansa, 2018-yili unga yana 1,5 ming ta’lim muassasasi qo‘shiladi.

Bu maqsadga vazirlik 1.6 milliard Saudiya riyoli (426 million dollar) ajratdi.

Islohot “Nuqtai nazar–2030” strategiyasi doirasidagi “Milliy transformatsiya dasturi–2020” doirasida amalga oshirilmoqda.