“Leypsig”ning 33 yoshli bosh murabbiyi Yulian Nagelsmann Chempionlar Ligasi tarixiga kirdi

“Leypsig” jamoasi Yevropa Chempionlar Ligasi chorak finalida “Atletiko”dan ustun keldi (2:1) va yarim finalga yo‘l oldi.

Nemislar ustozi Yulian Nagelsmann jamoasini Chempionlar Ligasi yarim finaliga olib chiqqan eng yosh murabbiyga aylandi. Germaniyalik mutaxassis o‘yin kuni 33 yosh-u 21 kunlik edi.

“Leypsig” yarim finalda PSJ bilan o‘ynaydi. Uchrashuv 18-avgust kuni Lissabonda bo‘lib o‘tadi.

Avvalroq Nagelsmann 32 yosh-u 231 kunligida musobaqa pley-off bosqichida g‘alaba qozongan eng yosh murabbiyga aylangandi.

Nagelsmann 2017-yili 29 yoshida “Hoffenhaym”ni ilk bor Chempionlar Ligasiga olib chiqqandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!