UFC 254. Islom Maxachevning raqibi ma’lum bo‘ldi

Yengil vazn toifasida UFC jangchisi Islom Maxachev 24-oktabr kuni ushbu promoushenning sobiq chempioni Rafael dos Anyos qarshi jang qiladi. Bu haqda MMA Fighting xabar bermoqda.

Qayd etish joiz, mazkur musobaqada (UFC 254) Habib Nurmagomedov va Jastin Getjining chempionlik jangi ham bo‘lib o‘tadi.

Ma’lumot uchun, 28 yoshli Maxachev UFC yengil vazn divizionida 11-o‘rinda bormoqda va ketma-ket olti jangdan buyon mag‘lub bo‘lmay kelmoqda.

Islom MMA’da 19 jang o‘tkazib, ularning 18 tasida g‘alaba qozongan (10 ta muddatidan avval) va bir bor mag‘lub bo‘lgan. Dos Anyos esa faoliyati davomida 42 ta jang o‘tkazib, ularning 29 tasida g‘alaba qozongan (5 ta nokaut), 13 tasida esa mag‘lub bo‘lgan.

Islom Maxachev UFC’dagi ikkinchi jangida 1-raunddayoq nokautga uchragan. O‘sha jangni tomosha qiling (video)

Mavzuga doir:

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!