Janubiy Koreya THAAD tizimidan foydalanish uchun AQSh pul to‘lashi kerak, deb hisoblaydi

Koreya Respublikasi milliy mudofaa vazirligi THAAD raketaga qarshi mudofaa tizimidan foydalanish bo‘yicha xarajatlarni aynan AQSh to‘lashi kerakligini ma’lum qildi, deb yozadi “TASS”.

Vazirlik tarqatgan bayonotda aytilishicha, Janubiy Koreya o‘zining “asosiy pozitsiyasi”ni o‘zgartirmagan — mamlakat hukumati AQShga tizimni joylashtirish uchun o‘z hududini taqdim etmoqda, xolos. AQShga esa uni o‘rnatish va boshqarish uchun javobgarlik yuklanadi.

Avvalroq AQSh prezidenti Donald Tramp Koreya Respublikasiga uning hududiga Amerikaning THAAD raketaga qarshi mudofaa tizimini o‘rnatgani uchun 1 milliard dollar to‘lov uchun hisob yubormoqchi ekanligini aytgan edi.