Zlatan Ibragimovich “Milan” bilan yangi shartnoma imzoladi. U hozir 38 yoshda

Hujumchi Zlatan Ibragimovich “Milan” bilan amaldagi shartnomasini uzaytirdi. Bu haqda klub rasmiy sayti ma’lum qildi.

38 yoshli shvetsiyalik futbolchi “Milan” bilan 2021-yilning 30-iyuniga qadar mo‘ljallangan shartnoma imzolagan.

Zlatan 2020-yilning yanvarida “Milan” safiga qaytgandi. Shuningdek u 2010—2012-yillar mobaynida milanliklar safida to‘p surgan.

Ibragimovich A Seriya 2019/20-yilgi mavsumida 18 ta o‘yin o‘tkazib, 10 gol va beshta golli uzatmaga mualliflik qildi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!