“Real” futbolchisi Brahim Dias “Milan”ga yo‘l oldi

“Real” hujumkor yarim himoyachisi Brahim Dias faoliyatini “Milan”da davom ettiradi. Bu haqda milanliklar matbuot xizmati ma’lum qildi.

Italiyalyan klubi 21 yoshli futbolchini 2021-yilning 30-iyuniga qadar ijaraga oldi. Brahim yangi jamoasida 21-raqam ostida harakat qiladi.

Ta’kidlash joiz, ijara shartnomasida sotib olish huquqi haqidagi band bo‘lmaydi.

Brahim 2019-yilning yanvarida “Manchester Siti”dan madridliklar safiga qo‘shilgandi. Futbolchi 2019/20-yilgi mavsumda “Real” safida o‘nta o‘yin o‘tkazib, bitta golga muallif bo‘ldi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!