“Ikki amaldagi chempion, to‘rt sobiq chempion”. Habib Nurmagomedov UFC 254 uchun super to‘qnashuvlarga ega kard taklif qildi (foto)

Yengil vazn toifasida UFC chempioni Habib Nurmagomedov o‘zi jang qiladigan UFC 254 musobaqasining asosiy kardi qanday ko‘rinish olishi kerakligi borasida fikr yuritdi.

Rossiyalik yakkakurashchining fikriga ko‘ra musobaqaning asosiy kardi quyidagi ko‘rinishni olishi kerak:

“Ikki chempion, to‘rt sobiq chempion, to‘rt nafar kamarga da’vogar. Bir necha ‘qotillar’dan iborat kardga nima deysiz? Yilning eng yaxshi kardi”, — deya yozadi Habib.

Ma’lumot uchun, Habib sanab o‘tgan janglardan Maxachev va dos Anyos o‘rtasidagi bahs aniq UFC 254 musobaqasida bo‘lib o‘tadi. Shuningdek, avvalroq Fergyuson — Porye, Zabit — Yair janglari ham mazkur musobaqada o‘tkazilishi mumkinligi haqida xabarlar tarqalgandi.

Shuningdek, UFC 254 kechasida Habibning ikki amakivachchasi Abubakar va Umar Nurmagomedov ham o‘z jangini o‘tkazadi.

Mavzuga doir: Habib Jastin Getjini qaysi uslub orqali mag‘lub etishini aytdi