Lionel Messi koronavirusga test topshirdi. Shifokorlar uning uyiga kelgan

“Barselona” hujumchisi Lionel Messi uyida koronavirus uchun test topshirdi. Bu haqda Ole nashri xabar bermoqda.

Manbaning xabariga ko‘ra, argentinalik forvard agar test salbiy natija bersa, katalon klubining 7-sentabr kuni bo‘lib o‘tadigan mashg‘ulotlarida qatnashishi mumkin.

Eslatib o‘tamiz, avvalroq Messi yana bir mavsum “Barselona”da qolishini ma’lum qilgandi.

Qayd etish joiz, 33 yoshli futbolchi ketishga har qancha urinmasin, “Barselona” uni tekinga qo‘yib yubormadi. Messi esa qadrdon klubini sudga berishni o‘ziga ma’qul ko‘rmadi va jamoada qolishga majbur bo‘ldi.

Mavzuga doir:

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!