Lionel Messi “Barselona”ning mavsumoldi mashg‘ulotlarida qatnashmasligini ma’lum qildi

“Barselona” hujumchisi Lionel Messi klubga yangi faks yuborgan.

RAC1 xabariga ko‘ra, argentinalik futbolchi ushbu faks orqali klubga mavsumoldi mashg‘ulotlarida qatnashmasligini ma’lum qilgan.

Qayd etish joiz, 30-avgust kuni “Barselona” futbolchilari mashg‘ulotni boshlashdan oldin tibbiy ko‘rikdan o‘tadi. Messining esa tibbiy ko‘rikda bo‘lmasligi ta’kidlanmoqda. Argentinalik futbolchi hamon klubni tark etish fikridan qaytmagan.

Eslatib o‘tamiz, avvalroq Messining “Barselona”ni tark etmoqchiligi va futbolchi uchun kurashda asosiy da’vogar “Manchester Siti” bo‘lib turgani haqida xabar berilgandi.

Katalon klubi uning narxini 700 million yevro etib belgilagan, Messi esa jamoani erkin agent sifatida tark etmoqchi.

Gollar to‘plami:

Mavzuga doir: