Pillachilik va qorako‘lchilikni rivojlantirish qo‘mitasiga rahbar va o‘rinbosarlar tayinlandi

O‘zbekistonda yangi tashkil etilgan Pillachilik va qorako‘lchilikni rivojlantirish qo‘mitasiga rahbar va o‘rinbosarlar tayinlandi. Bu haqda qo‘mita matbuot xizmati xabar berdi.

Prezident Shavkat Mirziyoyevning 2020-yil 15-sentabrdagi qaroriga asosan Bahrom Sharipov Pillachilik va qorako‘lchilikni rivojlantirish qo‘mitasi raisi lavozimini egalladi. U 2017-yilning aprel oyidan buyon “O‘zbekipaksanoat” uyushmasi boshqaruvi raisi lavozimini egallab kelayotgandi.

Behzodjon Yusupov Pillachilik va qorako‘lchilikni rivojlantirish qo‘mitasi raisining birinchi o‘rinbosari lavozimlariga tayinlandi.

Sherzod Asadov Pillachilik va qorako‘lchilikni rivojlantirish qo‘mitasi raisining o‘rinbosari lavozimiga tayinlandi.

Eslatib o‘tamiz, ushbu qo‘mita Shavkat Mirziyoyevning “O‘zbekiston Respublikasida pillachilik va qorako‘lchilikni yanada rivojlantirish chora-tadbirlari to‘g‘risida”gi farmoni bilan 2020-yil, 3-sentabr kuni tashkil etildi. Qo‘mitaning asosiy vazifasi quyidagilardan iborat:

Avvalroq Moliya vaziriga yangi o‘rinbosar tayinlangani, O‘zbekiston FVV markaziy apparatida hamda Ichki ishlar vazirligi tizimida yangi lavozim tayinlovlari amalga oshirilgani xabar berilgan edi.