Tashlandiq uy derazasida ko‘ringan bolaning kallasi TikTok foydalanuvchilarini qo‘rqitib yubordi (video)

Rebebeba nomli sahifa egasining TikTok’da bo‘lishgan, tashlandiq uy ichidan yosh bola ko‘rinib qolgani aks etgan video foydalanuvchilarni vahimaga tushishiga sabab bo‘lgan. Bu haqda The Mirror xabar beradi.

Video muallifining sayr qilishi davomida binoning o‘zgacha ko‘rinishi e’tiborini tortgan va u qizi Rebekkaga ko‘rsatish uchun uyni videoga olib jo‘natgan.

Rebekka videoda onasi ahamiyat bermagan detal — deraza oldida yosh bolaning boshi turganiga e’tibor bergan va mazkur rolikni TikTok’ga joylagan. Video ikki milliondan ortiq marta tomosha qilingan va besh mingdan ko‘proq izoh yozib qoldirilgan.

Keyinchalik sayyohlarni qo‘rqitish uchun deraza tokchasiga yosh bola ko‘rinishidagi qo‘g‘irchoq kallasi qo‘yilgani ma’lum bo‘lgan.

Mavzuga doir: