» » Mirjalol Qosimov: Ikkinchi bo‘limda “Bunyodkor”ning xatolaridan unumli foydalandik

Mirjalol Qosimov: Ikkinchi bo‘limda “Bunyodkor”ning xatolaridan unumli foydalandik


OKMK bosh murabbiyi Mirjalol Qosimov Coca-Cola Superliga 16-turi doirasida “Bunyodkor”ga qarshi kechgan o‘yindagi g‘alabadan (3:2) keyin o‘z fikrlari bilan o‘rtoqlashdi.

O‘yin har ikkala jamoa uchun juda muhim edi. Oxirgi paytlarda ushbu ikki klub o‘rtasida juda ham qiziqarli bahslar guvohiga aylanyapmiz. Uchrashuvni yomon boshlamadik, lekin birinchi bo‘limning ikkinchi qismida o‘yin tizginini boy berib qo‘ydik. Bu orqali o‘z darvozamizdan to‘p olib chiqishga majbur bo‘ldik.

Ikkinchi bo‘limda yigitlar o‘zini ko‘rsatdi va raqib jamoa xatolaridan to‘g‘ri foydalandi. Har ikki jamoa darvozabonlari qandaydir ishonchsiz harakatlandi. Hisob 2:2 bo‘lib turganida bir nechta qulay imkoniyatlarga ega bo‘ldik, oxir-oqibat Jasur Umarovning urgan goli bizga g‘alaba keltirdi. Qolaversa, maydon sifati yaxshi holatda emas va bu qiyinchilik tug‘dirdi. G‘alabadan xursandmiz. Futbolchilar va muxlislarga o‘z minnatdorchiligimni bildiraman.

Tarkibga yoshlarni jalb qilish? Albatta, kuzatib boryapmiz. Qolaversa, o‘zimizni yoshlardan jalb qilamiz. Faqat, muammo — yaxshi o‘yinchilarni topishda. “Bavariya”ni ko‘ryapsizlar, jamoaning o‘rtacha yoshi katta bo‘lsa ham yirik hisoblarda yutib yuribdi. Chunki ularda o‘z tarixi, akademiyasi, maktabi bor.

Mirjalol Qosimov, OKMK bosh murabbiyi

OKMK mazkur g‘alabadan keyin ochkolarini 33 taga yetkazib olgan holda ikkinchi o‘ringa qaytdi. Jamoa keyingi turda “Qizilqum”ga qarshi bahs yuritadi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!



Manba: Daryo.uz
Опубликовано: admin (22-09-2020, 22:25)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Что нужно улучшить на нашем сайте?

КТО НА САЙТЕ?
( 27) ( 0) ( 25) ( 2)
Юзеры:
- отсутствуют
Гости:
Роботы:
Последние 20 посетителей... - отсутствуют