Zlatan Ibragimovichda koronavirus aniqlandi

“Milan” hujumchisi Zlatan Ibragimovichning koronavirusga topshirgan testi ijobiy xulosa berdi. Bu haqda milanliklar klub matbuot xizmati ma’lum qildi.

Zlatanning o‘zi ham mazkur holatga munosabat bildirdi.

“Koronavirusga topshirgan testim kecha salbiy natija bergandi, bugun esa tahlillar ijobiy chiqdi. Hech qanday alomatlar bo‘lmadi. Koronavirusning menga chorlov tashlashga jur’ati yetibdi. Bu yomon fikr”, — deya yozadi futbolchi.

38 yoshli futbolchi Yevropa Ligasi 3-saralash bosqichi doirasida “Budyo-Glimt”ga qarshi kechadigan o‘yin qaydnomasiga kiritilmagan. Milanliklar 24-sentabr kuni o‘z uyida norvegiyaliklarni qabul qiladi.

Avvalroq “Milan” himoyachisi Leonardo Duarteda koronavirus aniqlangani xabar qilingandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!