Iroq sharqida armiya qarorgohiga IShID hujum qildi, qurbonlar bor

IShIDning Iroq sharqidagi qurolli kuchlar qarorgohiga uyushtirgan hujumi oqibatida o‘n kishi halok bo‘ldi, olti kishi yaralandi. Bu haqda, Sky News Arabia’ga asoslanib, “TASS” xabar bermoqda.

Aytilishicha, ekstremistlar ar-Rutba shahri yaqinidagi as-Sukkar degan joyda harbiylarning marralariga hujum qilgan. Boshqa tafsilotlar hozircha ma’lum emas.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.