Hindistonda to‘y dasturxonida go‘sht yo‘qligi tufayli kuyov nikohdan bosh tortdi

Hindistonning Uttar-Pradesh shtatida kuyov bayram dasturxonida go‘sht yo‘qligi tufayli o‘z to‘yini to‘xtatdi. Voqea 26-aprel kuni bo‘lib o‘tdi, deb xabar beradi TJournal.

Aytilishicha, kuyov g‘azabga minib, mintaqada go‘sht yetishmovchiligi borasidagi tushuntirishlarni eshitishni istamagan va mehmonlar ko‘z o‘ngida marosimni tark etgan. Shundan so‘ng kelin nikohni haqiqiy deb hisoblashdan bosh tortgan.

Bir muddatdan so‘ng ketib qolgan kuyovning o‘rnini boshqa erkak egallagan. U voqeadan bir necha daqiqa o‘tib qizning qo‘lini so‘ragan hamda go‘shtsiz ovqatga e’tiroz bildirmagan.

Oxirgi paytlarda Uttar-Pradesh shtatida go‘sht tanqisligi kuzatilmoqda. Go‘sht narxi qariyb uch barobarga oshib ketgan.