Tramp oradan 1,5 oy o‘tib Turkmaniston prezidentini Navro‘z bilan tabrikladi

AQSH prezidenti Donald Tramp Turkmaniston prezidenti Gunbanguli Berdimuhamedovga o‘tgan Navro‘z bayrami munosabati bilan tabrik yo‘lladi. Bu haqda “Turkmenistan segodnya” xabar bermoqda.

Tabrikda Amerikada ham ko‘pchilik ushbu yangilanish va uyg‘onish ayyomini nishonlagani qayd etilgan.

“Yaqinda Ashxabodga tashrifdan qaytgan do‘stim Jek Niklaus Turkmanistonning go‘zal qiyofasi, turkman halqining mehmondo‘stligi haqida juda ko‘p hikoya qilib berdi. Amerika xalqi va ishbilarmon doiralarimiz Turkmaniston bilan hamkorlikni yanada rivojlantirishning yangi qirralarini ochishda davom etadi”, — deyiladi AQSh prezidenti maktubida.

“Daryo”ning Telegram’dagi rasmiy kanali — @toshqindaryo’ga a’zo bo‘ling!