Fakt: Uorren Baffettning chetlab o‘tish mumkin bo‘lgan yetti xatosi

O‘z xatolaridan ko‘ra boshqalarning xatolaridan xulosa chiqarish yaxshiroq. Insider nashri milliarder Uorren Baffett tomonidan yo‘l qo‘yilgan yettita xatoga e’tibor qaratdi.

Milliarder tomonidan 2013-yilda Berkshire Hathaway aksiyadorlariga yo‘llangan maktubda u Energy Future Holdings kompaniyasining ikki milliard dollarlik qarzini sotib olganligi haqida gapirib bergan. Baffett mazkur xaridni amalga oshirishda o‘zining uzoq yillik hamkori Charli Manger bilan maslahatlashmagani uchun afsuslanadi.

Baffett investitsiya kiritgan kompaniyalarning asosiy qismi o‘zini oqlagan. Biroq muvaffaqiyatsizlikka uchragan kompaniyalar ham bo‘lgan. Milliarder muvaffaqiyatsizlikda asosiy sabab sifatida kompaniyaga va bozor segmentiga noto‘g‘ri baho berishni ko‘rsatadi.

Uorren Baffett o‘zining “eng daxshatli xatosi” sifatida Dexter Shoes’ni sotib olayotganda raqobatchilarni o‘rganmaganini aytadi. Xorijlik raqobatchilar sababli milliarder tomonidan kompaniyaga kiritilgan 443 million dollar havoga uchgan.

Baffett Dexter Shoes qarzlarini 2014-yilda o‘zining asosiy kompaniyasi Berkshire Hathaway aksiyalar paketi evaziga sotib olgan. Dexter Shoes’ning muvaffaqiyatsizligi sababli milliarder doimiy va yaxshi daromad kelib turgan manbadan mahrum bo‘lgan.

1998-yilda Berkshire Hathaway kompaniyasi General Reinsurance Corparation’ni sotib olgan. Biroq tezda Baffett bu qarori noto‘g‘ri bo‘lgan deb o‘ylay boshlagan. Tashqi kuzatuvchilar ham Baffett yirik xatoga yo‘l qo‘ydi, deb hisoblagan. Biroq amaliyot ko‘rsatdiki, xato kompaniyani sotib olish emas, o‘zidan shubhalangani bo‘lgan.

2013-yilda Tesco’ning aksiyalari Berkshire Hathaway’ning eng yirik aktivlari bo‘lgan. Bir yil o‘tgach Baffettning aksiyalar paketidan supermarketlar tarmog‘i joy olmagan. Baffett kompaniya aksiyalarini savdoga chiqarmaganligini o‘zining xatosi, deb hisoblaydi.

Baffett yo‘l qo‘ygan xatolardan biri vaqtliroq sotib olishi kerak bo‘lgan kompaniyani kechroq sotib olganidir. U Walmart’ning muvaffaqiyatlaridan 1990-yillarda hayratlangan, biroq kompaniyani 2005-yilda sotib olgan.

“Daryo”ning YouTube’dagi rasmiy sahifasiga obuna bo‘ling