Norvegiyalik milliarder o‘z mablag‘ining bir qismini okeanni tozalash uchun berishga va’da berdi

Milliarder Xyell Inge Rekke okeandan plastik buyumlarni olib tashlaydigan tadqiqot kemasini moliyalashtirishni boshlaydi. Bu haqda “Gazeta.ru” xabar bermoqda.

Norvegiyalik sobiq baliqchi Rekke hozirgi moliyaviy ahvoliga neft sanoati orqali erishgan. Bugungi kunda u ikki milliard dollardan ziyod mablag‘ga ega. Milliarder loyiha doirasida o‘z mablag‘ining kattagina qismini sarflashga va’da bermoqda.

“Men jamiyatga ishlab topgan pulimning asosiy qismini qaytarmoqchiman. Mazkur kema — buning (ishlarimning) bir qismi”, — dedi milliarder.

Rekke loyiha doirasidagi ishini ekologlar bilan hamkorlikda olib boradi. Kema 30 kishilik tarkib, 60 nafargacha ilmiy xodim va bir necha laboratoriyadan iborat bo‘lishi kutilmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!