Misrda sayyohlarni ta’qib etadigan sotuvchilar uchun jarimalar joriy etildi

Misrda sayyohlarning holi-joniga qo‘ymaydigan esdalik sovg‘alari sotuvchilari jarimaga tortiladi. Mamlakat hukumati 3-may, chorshanba kuni qonunchilikka tegishli o‘zgartirishlar kiritilishini ma’qulladi. Bu haqda Youm7 portali xabar bermoqda. 

Mamlakat qadimiy obidalar va tarixiy meros ishlari vaziri Xolid al-Ananiyga ko‘ra, arxeologik qazishmalar hududlarida sayyohlarni ta’qib etganlik uchun sotuvchilarga 3 mingdan 10 ming funtgacha (165 dollardan to 550 dollargacha) jarima qo‘llanishi mumkin.

Shuningdek, noqonuniy arxeologik qazishmalar, qadimiy yodgorliklarni o‘g‘irlash va sotish bilan shug‘ullanganlik uchun ham keskin choralar ko‘riladi. Huquqbuzarlar bunday qilmishlari uchun umrbod qamoq jazosigacha hukm qilinishi mumkin. 

“Daryo” yangiliklarini “Odnoklassniki”da kuzatib boring