Amerikalik erkak qo‘lga olgan bo‘g‘ma ilonning ichidan 78 ta tuxum chiqdi (video)

AQShning Florida shtatida istiqomat qiluvchi shaxs og‘irligi 59 kilogramm keladigan bo‘g‘ma ilonni qo‘lga oldi. O‘ldirilgan ilon ichidan 78 ta tuxum chiqdi. Voqea suratga olingan video CBS News telekanalida namoyish etildi.

Telekanal ma’lumotiga ko‘ra, Dasti Kram ismli ovchi orxideya yetishtiradi, bo‘sh vaqtida esa pitonlarni ushlash bilan shug‘ullanadi. 59 kilogrammli ilon Kram qo‘lga olgan ilonlarning eng kattasidir. Erkak sudraluvchini ushlagani uchun mahalliy suv resurslari departamentidan 375 dollar va ilonni terisini sotib yana shuncha pul ishlab olgan.

Janubiy Floridada ushlangan pitonlarning eng uzuni 5,5 metr bo‘lib, og‘irligi 72 kilogramm bo‘lgan.

“Daryo”ning YouTube’dagi rasmiy sahifasiga obuna bo‘ling