Birlashgan Arab amirliklarida organlar ko‘chirib o‘tkazilishiga ruxsat berildi

Birlashgan Arab amirliklari sog‘liqni saqlash vazirligi mamlakat fuqarolariga o‘limlaridan so‘ng organlar donoriga bo‘lishga ruxsat berdi. Bu haqda UAE Inside ma’lum qildi.

Mazkur qaror amirliklar uchun katta qadam hisoblanadi, chunki oldinlari faqat yaqin qarindoshlardan hamda “favqulodda holatlarda” organlar ko‘chirib o‘tkazilishiga ruxsat berilardi.

Vazirlik hujjatida transplantatsiya dolzarb bo‘ladigan o‘lim holatlari, shuningdek, organlarni yetkazish tartibi ham belgilandi. Yangi qoidalar shifokorlarga nafaqat ko‘chirib o‘tqazishga ruxsat beradi, balki mamlakatga organlarning noqonuniy olib kirilishining oldini ham oladi.

Donorga aylanish uchun ID-karta bo‘lishi, tegishli hujjatlar to‘ldirilishi va mijoz bilan to‘qimalar mutanosibligi sinovini ham o‘z ichiga oluvchi qator tahlillardan o‘tish talab etiladi.

“Daryo” yangiliklarini “Odnoklassniki”da kuzatib boring