Dengiz sathi oshishining ilk qurbonlari bashorat qilindi

Amerikalik olimlar 2050-yilga kelib dengiz sathi aksariyat sohilbo‘yi hududlarida 10—20 santimetrga ko‘tarilishi, suv toshqinlari takroriyligi esa ikki marta oshishini bashorat qildi. Tegishli tadqiqot Scientific Reports jurnalida chop etildi.

Ekspertlar sayyoraning ushbu tabiiy hodisa oqibatida ko‘proq jabrlanadigan hududlarini sanab o‘tdi. Eng og‘ir vaziyat Mumbay, Kochin (Hindiston) va Abijan (Kot-d’Ivuar) shaharlarida yuzaga kelishi kutilmoqda. Buning uchun mazkur shaharlardagi dengiz sathi bor-yo‘g‘i besh santimetr oshishi yetarli.

Noxush vaziyat Vankuver (Kanada), Sietl, San-Fransisko va Los-Anjeles (AQSh) shuningdek, Yevropaning Atlantika sohillariga ham tahdid qilmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!