Qozog‘istonlik tadbirkorlar oktabrda Toshkentga tashrif buyuradi

Chet el investorlarini jalb etish va ular bilan ishlash bo‘yicha Qozog‘iston milliy operatori — “Kazakh Invest milliy kompaniyasi” AJ O‘zbekistonga savdo missiyasini tashkillashtirmoqda, deb yozadi UzDaily.

Missiya Toshkentga 2017-yilning 4—6-oktabr kunlari tashrif buyuradi. Missiyada Qozog‘istonning 20 dan ortiq kompaniyalari ishtirok etishi kutilmoqda.

Qozog‘iston missiyasining O‘zbekistonga tashrifi masalalari Kazakh Invest, “O‘zekspomarkaz” Milliy ko‘rgazma kompaniyasi va O‘zbekiston Savdo-sanoat palatasi vakillari o‘rtasidagi muzokaralar chog‘ida muhokama qilingan edi.

“Daryo” yangiliklarini “Odnoklassniki”da kuzatib boring