Tramp Rossiyaga qarshi sanksiyalarni joriy etish to‘g‘risidagi qonunni imzoladi

AQSh prezidenti Donald Tramp Rossiyaga qarshi sanksiyalarni joriy etish to‘g‘risidagi qonunni imzoladi. Ularni bekor qilish uchun Moskva o‘z majburiyatlarini bajarishi lozim. Bu haqda AQSh vitse-prezidenti Mayk Pens ma’lum qildi, deya xabar beradi “Interfaks”.

“Prezident Tramp Rossiyaga qarshi sanksiyalarni joriy etish to‘g‘risidagi hujjatni imzoladi. Biz ularning bekor qilinishini istaymiz, biroq bu Rossiya o‘z zimmasiga olgan majburiyatlarni bajargan taqdirda ro‘y berishi mumkin. Ammo Rossiyaning oxirgi diplomatik qadamlari, afsuski, buning aksini ko‘rsatmoqda”, — ta’kidladi Pens.

Vitse-prezidentga ko‘ra, mazkur qonun prezident va Davlat departamentiga moslashuvchan siyosatni amalga oshirish imkonini beradi. Rossiyaning harakatlariga esa AQSh o‘z qadriyatlarini qarshi qo‘yadi.

“Daryo” yangiliklarini “Odnoklassniki”da kuzatib boring