Pokiston neft vaziri vaqtinchalik bosh vazir etib saylandi

Pokistonning sobiq neft va tabiiy resurslar vaziri Shahid Xoqon Abbosiy vaqtinchalik bosh vazir lavozimini bajaradi. Bu haqda “TASS” xabar bermoqda.

Qaror Pokiston parlamenti quyi palatasining ko‘pchilik deputatlari tomonidan birdamlik bilan qabul qilindi.

Abbosiydan tashqari, ushbu lavozimga muxolif Pokiston xalq partiyasi nomzodi Navid Qamar, “Adolat harakati” yetakchisi Shayx Rashid Ahmad va “Jamoati Islomiy” diniy partiyasi vakili Sohibzoda Tariqulla da’vogarlik qilayotgan edi.

28-iyul kuni Pokiston hukumati iste’foga chiqdi. Bosh vazir Navoz Sharif “Panama ishi” doirasida korrupsiyada ayblangani bois shunday qarorga keldi.

“Daryo”ning YouTube’dagi rasmiy sahifasiga obuna bo‘ling