Moldova Rossiya bosh vazirining o‘rinbosarini non-grata shaxs deb e’lon qildi

Rossiya bosh vazirining o‘rinbosari Dmitriy Rogozin Moldovada non-grata shaxs deb e’lon qilindi. Bu haqda “Gazeta.ru” xabar bermoqda.

Ushbu taklif bilan Moldova tashqi ishlar vaziri Andrey Galbur chiqdi. Qarorni vazirlar mahkamasining ko‘pchilik a’zolari qo‘llab-quvvatladi.

Ushbu qarorni yetkazish maqsadida Moldova TIV Rossiya elchisi Farit Muxametshinni chaqirdi.

Rogozin “Rossiya 24” telekanaliga bergan intervyusida Moldova fuqarolari va rahbariyati haqida salbiy fikrlar bildirgani bunga sabab bo‘ldi.

Muqaddam Rogozin Moldovaga borishga uringan, ammo Ruminiyada to‘xtatib qolingan edi.

“Daryo” yangiliklarini Facebook’da kuzatib boring