Toshkent aeroporti yaqinidagi ko‘prikda Nexia halokatga uchradi (foto)

Toshkent xalqaro aeroporti yaqinidagi ko‘prikda Nexia avtomobili halokatga uchradi. Bu haqda Facebook’dagi “Voditeli Tashkenta” (Drivers.uz) guruhi a’zolari xabar berdi.

Suratlarda oq Nexia’ning old chap qismi kuchli pachoq bo‘lganini ko‘rish mumkin. Postga izohlardan ma’lum bo‘lishicha, mashina katta tezlikda harakatlanayotib, yo‘l chetidagi to‘siqqa borib urilgan. Avtomobil aynan haydovchi o‘tirgan tomoni bilan to‘siqqa urilishi natijasida, haydovchi mashina ichida tiqilib qolgan. “Uni tashqariga chiqarib olishga harakat qilishayotgan edi”, — deb yozadi voqea guvohlaridan biri.

Yana bir foydalanuvchi qayd etishicha, haydovchi mast holatda bo‘lgan, YTHdan keyin uni kasalxonaga olib ketishgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!