Nosir Al-Halayfiy: Neymarning transferi shaffof va qonuniy. OAVda yozilayotganiga esa tupurdim

Neymarning tanishtiruv marosimiga tashrif buyurgan “PSJ” prezidenti Nosir Al-Halayfiy ham jurnalistlar bilan matbuot anjumanida ishtirok etdi va ularni qiziqtirgan asosiy jihat — UEFAning moliyaviy feyr-pley masalasi haqida aytib o‘tdi.

Moliyaviy feyr-pleydan xavotir olayotgan odamlar, borib bemalol qahva iching, bunda hech qanday muammo yo‘q. Biz qilgan ish mutlaqo shaffof va qonuniydir. OAVda bong urilayotgan xabalarga esa rostini aytsam, tupurgan joyim bor.

Sizni ishontirib ayta olamanki, Neymar Parijga pul uchun kelgani yo‘q. U boshqa klubda bizdagidan ko‘proq pul olishi mumkin edi.

Nosir Al-Halayfiy, “PSJ” prezidenti

“PSJ” Neymarni 222 million yevroga xarid qilib, uni dunyodagi eng qimmat futbolchiga aylantirdi.

“Daryo”ning YouTube’dagi rasmiy sahifasiga obuna bo‘ling